მთავარი » 2010 » მარტი » 26 » „ბჟუჟჰესზე“ ახალი ტურბინები დამონტაჟდა
0:59 AM „ბჟუჟჰესზე“ ახალი ტურბინები დამონტაჟდა | |
| ჰოლდინგ ”საქართველოს ინდუსტრიულ ჯგუფში" შემავალმა „საქართველოს საერთაშორისო ენერგეტიკულმა კორპორაციამ" საკუთრებაში არსებული „ბჟუჟჰესზე"ახალი მანქანა-დანადგარები აამოქმედა. მუშაობის ეფექტურობის გაზრდის მიზნით ჰესზე ორი ახალი ტურბინა დამონტაჟდა, რის შედეგადაც ძველ მანქანა-დანადგარებთან შედარებით თითოეულის სიმძლავრე 4,08 მგვტ–დან 4, 7 მგვტ–მდე გაიზარდა. ”ბჟუჟჰესის” ჯამური სიმძლავრე 12 მგვტ-ს აჭარბებს. ”საქართველოს საერთაშორისო ენერგეტიკულ კორპორაციაში” ვარაუდობენ, რომ ახალი ტურბინების ხარჯზე ჰესის ჯამური წლიური გამომუშავება მინიმუმ 5–10%–ით გაიზრდება. კორპორაციამ ტურბინები ამერიკულიკომპანია Standart Machine & Metal-გან შეიძინა. ტურბინების დამზადება და ტრანსპორტირება 9 თვის განმავლობაში გრძელდებოდა და მიმდინარე თვის დასაწყისში დასრულდა. ”საქართველოს საერთაშორისო ენერგეტიკული კორპორაციის" ინფორმაციით, ამჟამად ჰიდროელექტროსადგურზე ორივე ტურბინა სრული დატვირთვით მუშაობს. | |
| კატეგორია: საწარმოო სიახლეები | ნანახია: 1125 | | | |
